పడకకి రాని నిద్ర
===========
పడకకి రాని నిద్ర
అలిగిన ప్రియురాలికంటే
ఎక్కువగా బాధిస్తుంది..!
విసుగుని కళ్లలో
చిరాకును నొసట్లో నింపేసి -
అహ్లాదమనే బిడ్డని కనే
అవకాశం లేకుండా చేస్తుంది...
అలిగిన ప్రియురాలికంటే
ఎక్కువగా బాధిస్తుంది..!
విసుగుని కళ్లలో
చిరాకును నొసట్లో నింపేసి -
అహ్లాదమనే బిడ్డని కనే
అవకాశం లేకుండా చేస్తుంది...
నిద్రరాని ప్రతిరాత్రి
బలవంతంగా విడాకులకు గురైన
భర్తలాగా అంతరంగంలో బాధ..!
నిద్ర పడకకి రాని పతిరాత్రీ
వెలయాలిని ఆశ్రయించిన విటుడిలాగా
పుస్తకమో -
సంగీతమో -
టీవినో,
మరింత ముదిరిన వేశ్యా వ్యసనంలో -
నిద్రమాత్రలో బ్రాందీసీసానో
ఏదో ఒకదాన్ని ఆశ్రయించి
బలవంతంగా నిద్రతో రమించి,
మర్సటిరోజు మామూలుగానే
రాత్రి ఏమీ జరగనట్లు మొహం..|
మనిషికి రాని నిద్ర
మరణంతో సమానం,
కానీ విచిత్రం -
మరణం మాత్రం
అదేంటో శాశ్వతమైన
నిద్రలాగానే భ్రమింప జేస్తుంది...
-మాధవ తురుమెళ్ల
No comments:
Post a Comment