ముష్కరమూకలు బ్రహ్మమొక్కడే అన్న
అన్నమయ్యను తూలనాడిన ఫలమో,
దయ్యాలతో ఘూకంబుల్ చెరలాడసాగినవన్న-
జాషువా మాటల బలమో...
దిగ్దిగంతాలను మోసే దిగ్గజాలు -
పాపపు భూభారం ఒకింత పెరిగిందంటూ
నిర్దయగా తలలు విదిల్చడమో...
లేదా
జీవనం క్షణభంగురమంటే ఏంటో
కొంచెం ప్రజలకు చూపించాలనుకున్న -
ఆ భవగంతుని చిలిపితనమో...
ఎందుకో తెలియదు...
ఈవేళ
నేలతిమ్మిరిలో
జగమంతా హాహాకారాలు చేసింది
జలప్రళయం జనావాసాలను ప్రళయరుద్రభూములుగా -
మరుభూములుగా మార్చింది....
- మాధవ తురుమెళ్ల
No comments:
Post a Comment